Bargobirasdoaimmahat (Arbetsmiljöverket)

Visot bargiin Ruoŧas lea vuoigatvuohta buori bargobirrasii bargobiraslága jelgii. Ii oktage galgga dárbbahit vahágahttit iežat dehe skihppát su barggu dihte.

Mii leat eiseváldi gohččosiin Ruoŧa ráđđehusas ja riikabeaivvis bearráigeahččat vai lágat bargobirrasii čuovvoluvvot fitnodagain ja organisašuvnnain. Dat mii dahkat earret iežá go:

  • váldit ovdan dárkilis njuolggadusaid mat vulget bargobiraslágas
  • geahččat vai fitnodagat ja organisašuvnna čuvvot lágaid ja njuolggadusaid dárkkistit bargosajiid olles Ruoŧas
  • juohkit dieđuid bargobirasáššiid birra.

Bargoaddis lea ovddasvástádus du bargobirrasis

Bargoaddis lea váldoovddasvástádus bargobirrasis barggus. Go mii leat olgun ja mannet sierra bargosajiin mii geahččat got bargobiras lea ja dárkkistit vai lágat ja njuolggadusat bargobirrasis čuvvojuvvot. Jus mii gávdnat váilevašvuođaid de bargoaddi ferte divvut daid.

Du ovddasteaddji barggus

Máŋga bargosajiin Ruoŧas lea nu gohččoduvvon suodjeolmmái. Suodjeolmmái lea olmmoš guhte ovddasta bargiid ja guhte bidjá gáibádusaid bargobirrasii ja bargoaddái. Jus dus leat váttisvuođat barggus de sáhtát ságastit du suodjeolbmáin.

Váldde oktavuođa minguin

Don gávnnat min telefovdnanummaris +46 (0)10-730 90 00 dehe arbetsmiljoverket@av.se. Min mielbargit ságastit máŋggaid gielaid ja vástidit jearaldagaid mánnodagas bearjadahkii diibmu 08.00–11.30.

Mii leat lagabut 600 mielbargit ja mii leat máŋgga báikkiin miehtá riikka, nuortan oarjánii oaivekontuvrrain Stockholmmas. Don leat álo buresboahtin váldit oktavuođa minguin jus dus leat jearaldagat bargobirrasa, njuolggadusaid ja láhkaásahusaid birra dehe min e-bálvalusaid birra.

Váillahat go jorgalusa?

Dieđut dán gillii lea ráddjeduvvon. Eanet dieđut gávnnat min ruoŧa ja eaŋgalasgiela siidduin. Jus lea dárbu mii sáhttit jorgalit eanet teavsttaid. Váldde oktavuođa minguin arbetsmiljoverket@av.se jus leat sávaldagat jorgalusaide.

Last updated 2021-11-30